闊太師奶

城中的一闊太師奶,身光頸靚,珠光寳氣,濃粧艷抹,但行為儀態強差人意,不但語氣小家計較,更貪圖數口小利.很難頂!

我們售賣的拖鞋只數元一對,來幫襯下便很巴閉,好像養咗我過世,趾高氣揚拉高嗓子;「我幫襯咗你哋好多年啦!咁老友,計我平啲呀!」

「你哋開咗咁耐我幫襯咗咁耐,唔計我平啲點得呀?」好威風!

「啲拖鞋好著好舒服,不過幾個月就舊啦!」嘩!靚太,幾銀嘢貨仔咋,想耐穿,點解唔買對羊毛羊皮拖?

平?仲可以平得幾多比你吖?況且是斷碼特價貨包埋稅,減你一元幾角都好失禮你身份啫!況且用幾蚊著幾個月,仲每日由早到晚踩住,唔穿爛都抵到爛啦,孤寒成咁,還好意思說出口,好嘞!比個彩你,等你歡心下,亦都看在你哥哥份上,因她的哥哥常來商場和衆人有點頭之交,無謂鬥失禮.幾對平價拖計算好價錢後減了數元,仍說:「唔得呀!唔得呀!齊頭好啦!老公呀!比佢齊頭得啦!」連數元零頭都扭盡,身為老公之大叔也尷尬萬分,左右為難,讓他可下台,唯有算啦!當送一對給她好了!

嗱....甚麼叫「彩就人哋比,架就自己丟!」闊太眼前現形了!

我們店也有捐獻贊助,如教堂活動籌募經費,廟宇舉辦祈福法會,療養中心的老年人,婦女收容所,救世軍等,透過各式渠道作出捐獻,小小一點微不足道的棉力!

數元也好,數百也好,只是身外物,貪來也帶不走,自己不必受到要人施捨已幸福滿瀉!

我人與舖都進入風燭殘年,能不意興柵欄!